真的愛你 Sad Movie

英文名叫 "Sad Movie", 港譯作"真的愛你", 兩者好像風馬牛不相及. 看了一些報導說這電影是模仿英國電影"真的戀愛了 (Love Actually)", 都由數個感人小故事所組成, 便想這個中文譯名是從此抄來, 但看完電影後, 便發現原來另有實情.

這類由數個故事組成, 當中人物有少許關係的電影, 年中也有不少. 但若講到全部故事也是以悲劇收場, 便甚為難得. 電影圍繞在四段故事上, 絕症母親及孤僻小朋友, 消防員及新聞手語報導員, 戴上面具扮公主的破相啞少女及畫家, 和無業青年及女友. 好慘好慘既內容一向都係韓劇既強項, 消防員及母子那段都是估計內的絕招. 扮公主的啞少女及畫家那段最為特別, 畫家與戴上面具的少女互有愛意, 少女因面上傷痕及無法出聲而沒有信心去開自己愛情的花, 直至最後畫家要離開時, 才給畫家見自己的樣子, 在她落妝後要求畫家重畫那一段, 她的勇氣令人感動.

無業青年那一段也是淡淡地感人, 他做一個掟煲專家, 專幫人講分手, 但自己女友竟然做埋自己的客人, 他要代女友和自己講分手. 雨中自己對鏡分手這段, 緊接小朋友痛哭一段, 相對地無咁慘, 車太鉉又講得比較平淡, 反而令人感覺很深刻.

情人節檔期, 上部慘劇為咩? 其實慘劇背後, 是想大家珍惜眼前人, 體諒別人. 為愛人抺去眼淚後說一聲"真的愛你".

春田花花同學會 Mcdull The Alumni

小朋友總是有很多夢想. 我大個要做食神. 我大個要做臥底探員. 我大個要做明星. 人生是事與願違的, 棟樑做不成, 正直已是難得. 這已是第三部麥兜電影, 主角不再只是麥兜, 而是一班真人, 他們也是長大了的春天花花幼稚園學生. 電影和前兩部一樣, 片段式, 但是主題明顯. 少年時對自己的夢想很有憧憬, 大個左, 我們明白到夢想是有可能無法達成的, 亦明白到, 我們的夢想並不足以在社會上爭一席位.

麥兜故事的背景是現代的, 很多情節也和當代人事有關, 政治和流行的也有, 超大數量的大學生湧入社會一幕令人難忘. 這電影有很多很多演員參與, 周筆暢很呆, 就像麥兜的成人版. 其他演員亦有很多爆笑演出, 個人認為以黎耀祥扮梁文韜最為好笑.

感覺上電影的氣氛不及菠蘿油王子集中, 但菠蘿油王子本身實在太沉重了, 同學會這一集相對地便有想講既道理, 亦沒有那麼悲觀. 睇完戲, 回想一下自己小時侯的夢想, 開心一下也是不錯的.

戀人 Falling in...love

電影如果能反映到社會上一些人的生活, 或人們的生活環境, 某程度上已是一部不錯的電影. 近年看了幾部台灣電影, 好像台北晚九朝五, 最好的時光, 天邊一朵雲等也是想把現代或過去的台灣生活拍出來. 戀人這部電影, 拍了台北繁榮下孤獨的一面, 時鐘旅館泊車仔背後是一個地下拳手, 被工友偷去金錢, 愛上大佬的情人. 少女愛上這泊車仔, 可惜泊車仔並不重視她, 泊車仔又好像有很多愛人似的, "史路比並沒有甚麼特別". 原來泊車仔很多年前曾被一女人放棄, 這女人後來成為少女的朋友. 大佬走佬後, 情人幻想泊車仔就是舊情人, 結果給大佬發現偷歡.

感情劫, 電影很強調愛情對人的壞處, 特別是愛錯了人, 愛了一些不應該愛的人, 等待一些不會回來的人. 能渡過感情劫的, 便可以白頭到老. 生活沒有意義, 也是開開車, 停停車.

電影的怖景比內容更吸引, 老舊對比新式鮮艷的屋, 破爛的地盤, 淫聲四起的時鐘旅館. 值得一提是 101 的煙花很有型, 好像受到轟炸似的.

2005 年電影紀錄 (28 部)

• 哈利波特火盃的考驗 Harry Potter and the Goblet of Fire
• 四眼雞丁 Chicken Little
• 如果‧愛 Perhaps Love
• 無國界追兇 The Constant Gardener
• b420
• 世上的另一個我 NANA
• 怪物 Home sweet home
• 黑社會 Election
• 長恨歌 Everlasting Regret
• 當年相戀意中人 Broken Flowers
• 摯愛 Embrace Your Shadow
• 人細鬼壞 Mean Spirit
• 朱古力獎門人 Charlie and the Chocolate Factory
• 老友狗狗 All about my dog
• 天邊一朵雲 The Wayward Cloud
• 星球大戰前傳III黑帝君臨 Star Wars Episode III: Revenge of the Sith
• 戀愛地圖 About Love
• 珈琲時光 Coffee Lumiere
• AV
• 美蓮達與美蓮達 Melinda and Melinda
• 迷失天使城 Land of Plenty
• 鍚鍚又如何 Ae Fond Kiss
• 希特拉的最後12夜 Downfall
• 在世界中心呼喚愛 Crying Out Love, In the Center of the World
• 小飛俠前傳之魔幻童心 Finding Neverland
• 神經俠侶 Crazy N' The City
• 宇宙只有我和你 Last Life in the Universe
• 功夫 Kung Fu Hustle

哈利波特火盃的考驗 Harry Potter and the Goblet of Fire

之前三集我都未睇過, 幸好連貫性倒也不太大, 仲有女朋友事後講解, 都算睇得明. 大製作便是大製作, 高潮一浪接一浪, 音響特技也是一流的, 幾場危險追逐都很逼真.

好電影最重要的還是劇情, 將一本打得死人咁厚既小說, 拍成兩個半鐘, 加上之前幾集既伏線和之後的可發展性, 也難怪呢部戲咁受人歡迎. 單睇今集, 以黑魔王的勢力及行動為骨幹, 上面加上哈利和同學之間的緊張刺激生活來增加電影的活力及吸引力, 就像 Prime Scream 及 Chemical Brothers 等的跳舞音樂, 最重要的就是背後的 base line. 骨幹夠穩, 上面點玩都得.

正如之前所講, 將咁大本書, 拍成兩個半鐘, 其實在題材取捨上是很困難的. 大場面不能少, 重要的戲情交代亦不能少. 今集有部份時間是想講一些男女成長心理問題, 可惜有點造作, 效果不是太好, 好像白白浪費了一部份時間, 原本還認為這導演較擅長拍這種內心戲. 開場的世界杯也是, 大規模, 但係話完就完, 好似為結束而舉辦一樣.

角色方面, 瘋眼穆敵教授很型和勁, 希望真人都係咁勁. 其實除左白頭佬係唔多自然之外, 差唔多全部大人角色都好型, 雖然我是事後才知道清楚他們的身份. 喀浪及花兒戴樂古也感覺討好, 型及有感情.

上網查查才知道, 原來在聖誕舞會上那隊搖滾樂隊, 成員竟有 Jarvis Cocker 和 Johnny Greenwood, 真係點都估唔到, 認唔出佢地既歌, 難免有點傷心.

四眼雞丁 Chicken Little

今次迪士尼起單飛, 自己搞部動畫出來. 畢竟之前反斗奇兵, 海底奇兵, 怪獸公司, 超人特工隊等都太成功, 今次迪士尼要省靚自己個招牌, 應該好大壓力. 在宣傳上已可見到落重本, 一大班迪士尼朋友陪雞丁出場. 可惜睇完既感覺係人物太多, 故事太簡單.

其實主要角色得幾個, 雞丁, 鴨比, 肥溫和雞泡魚. 另外重有雞丁爸爸, 外星人, 幾個同學仔及村民. 但可惜部份劇情太刻意去扮其他戲, 以致失去主線, 時間是過了, 但還不清楚角色們的身份. 雞丁及雞丁爸爸的感情表達很不自然, 鴨比又經常長篇大輪, 唔知想點, 肥溫其實好搞笑, 唱歌跳舞食野都好多發揮機會, 可惜估戲太少, 雞泡魚全戲最型, 不繼扮野, 唔識講野, 但係最搶, 外星人三隻眼仔轉來轉去, 幾可愛, 可惜無咩表情, 來來去去都係笑.

如果話人細鬼壞係配音令到部戲好睇, 咁四眼雞丁便是相反了. 少爺占成日扮聲, 但係無感情, 是但一個片通片配音員都比佢好. 阿 sa 就好似比人玩咁, 一向講野都唔多清楚, 今次配鴨比要講咁多道理. 谷德昭唱哂歌, 幾好笑, 都係可惜肥溫出得多少. 雞丁爸爸其實配得幾好, 可惜係個角色既感情本身唔立體, 無咩特別. 林曉峰配既外星人爸爸, 平心而論係全劇配得最好, 有感情又好笑.

畫質方面, 今次昋港睇唔到最立體既版本, 意見唔算公道. 但係就咁睇, 好似比怪獸公司差, 影物上還好像不如反斗奇兵.

老實講, 係有點失望, 在戲情及技術上也好似退步了. 希望有下隻, 以肥溫及雞泡魚做主角.

如果‧愛 Perhaps Love

這部電影的主題其實很簡單, 就正如池珍熙一開場所講, 是要喚起人們已經遺忘的記憶. 張學友及周迅都因為成名, 拍戲時只著重於聲名, 反而忘記了自己真正想做的事. 金城武也是不繼改變自己, 由當導演系學生, 到美術系學生, 到演員, 以及和周迅的關係, 也顯出他自己都唔清楚自己到底想做甚麼.

雖然大意簡單, 但是故事的結構雖對不簡單, 戲中有戲, 有現代有過去, 戲內的故事, 和真人的故事又是這麼的相近. 但劇情安排得宜, 只要細心觀看, 也可以明白整個故事的來龍去脈.

十年前的北京, 那些小屋, 面檔, 冰川, 拍得很有感情, 周迅和金城武兩個在冰川上的幾場戲也令人難忘. 連場歌舞特技把演員的想法表現出來, 加上周迅和金城武兩人也好像會用眼神做戲, 一兩個表情已經將感情表達出來. 池珍熙源源不絕地送出招牌笑容, 幸好出場次數不太多, 否則觀眾會睇到反感, 現在的效果很好.

故事內也以電影業來講人的夢想和現實, 當中提到老闆的話事權, 演員的上位方法, 電影人的壓力等, 其實人在實現自己夢想時, 到底受到多少壓力? 要用多少手段? 在實現過程中, 自己的夢想又會否被其他事情所沖淡? 這些也是電影想表達的東西.