加勒比海盜：決戰魔盜王 Pirates of the Caribbean: Dead Man's Chest

大海一向給人很多幻想，加上各種歷險情節，所以不論在漫畫還是電影，海盜題材的故事一向深受歡迎。《魔盜王》系列就食正呢條水，再加埋半真半假既歷史背景，對航海或殖民地歷史有少少認識既人，都知道英國政府和東印度公司係當時對世界既影響力有幾大，觀眾真係一聽見佢地個名就醒神。

先從故事的大處看，一班性格奇怪的海盜，在大海上週旋於擁有神奇力量的鬼船長、政府及有關勢力之間，故事背景十分浩大。我未睇過第一集，唔係好清楚佢地之間有咩瓜葛，唔怪得人地。但從網上流言得知，睇完第一集既人，都唔係好明佢地之間既關係， 不過流言既可信性有限，都係要睇埋第一集先知。

正如開首咁講，大海給人無限幻想，從編劇角度來看其實唔一定係好事，過多的幻想變成過多的枝節。童話故事的做法是將故事分做很多集，一集只講一個歷險，每次歷險都是兩幫人的對決，過左去既就唔再提，簡單方便，但故事便會變得單調公式化。另一種較現實既做法，是在每次重要時刻，都牽涉到很多方面人馬的介入，最後可能有一方落敗，其他方面都是得益者，甚至全部都是得益者。簡單而言，即是故事的流程不是單方向對主角有利。這樣的故事立體感及真實感都較好，但苦控制得唔好，便會出現“七國咁亂”既情況，實際情況問下任何一位漫畫《One Piece》既讀者都可以知道。

浩大的故事背景對電影吸引幫助很大，但細小的地方同樣重要。我絕對相信《魔盜王》是有向成龍式動作喜劇參考的，在認真的故事上，加上令觀眾又驚又喜的動作，雖然感到有點格格不入及反感，但實屬有回報的商業計算。

講埋演員，如果拍電影都有分保守型同埋冒險型，呢部份就絕對係全片最保守穩陣既地方，三個主角，尊尼特普繼續做性格古怪既角色，奧蘭度布林繼續做正直穩重靚仔，姬拉麗莉繼續做略帶反叛的靚女，三人都已經係好多電影拍過呢類型角角，真係講得上交足行貨已經叫做唔錯。

大海歷險加上喜劇式動作，再加上幾名靚仔靚女，演番自己最熟行既角色，呢部戲真係計得好準，好穩陣。