安娜與安娜 Anna & Anna

之前睇《神探》講精神分裂，幾日之後睇既《安娜與安娜》更利害，成個人分裂左出來。我地成日講，如果當年無咩咩咩，而咩咩咩，而家就會點點點，呢部戲就將呢個如果實體化，真係變左兩個人出來，各行各路，但係事實係咪真係會點點點呢？

故事中的兩個Anna，在各行各路後，都覺得有所不足，對當年的決定感到後悔，在一次機緣巧合，她們發現了對方，更決定交換身份，可是這又如何？最後她們還是各自行回當年所選擇的路，縱然後悔，但路還是繼續走。

這是一個有趣的故事，但可惜發展得唔係咁好。導演林愛華寫故事能力唔錯，表現到現代人既愛情觀，可惜總是拍得不夠張力，戲味唔夠，觀眾容易分心。當年《十二夜》，因為故事有趣，加上陳奕迅、張柏芝和盧巧音等人做得入哂格，所以令人印象深刻。到了《尋找周杰倫》和《大丈夫II》，故事都係有趣，但係太散，無咩焦點，皆是可惜之作。