72家租客 72 Tenants of Prosperity

好多人都話呢部《七十二家租客》低能得過份，身為當年新藝城年代的忠實fans，我倒認為此片的低能程度絕對可以接受，幾合我既口味。

個人認為，要拍一部好的笑片絕非易事，當中以取笑悲劇命運主角的笑片較為容易﹝如《喜劇之王》或活地阿倫的電影﹞。以此片為例，全片貫穿了十分之多的笑位，笑位本身的質素要控制得好，內容要跟得上潮流，笑位唔可以重複﹝其實唔係必然，但要重複得好睇難度極高，可參考《東成西就》內洪七公求死一段，為重複笑位的經典﹞，每個笑位的長度及節奏亦要控制得宜，絕不能出現拖泥帶水的感覺，觀眾一覺得悶就出事。

以本片而言，基本上能夠附合到以上的條件，只要懷著一個開放的心情去睇，必定可以睇得十分開心。

若果問我最難頂的地方，我會選擇電影剛開始時兩間電話鋪員工唱歌那一段，明顯地過長及十分老土，坦白講我當時真係有諗過離場。