飛砂風中轉 Once a Gangster

唔駛多講，呢部戲擺明係一部惡搞既電影，絕對唔係《古惑仔》第Ｎ集。惡搞既對象表面係《無間道》和《黑社會》（反而無最經典及最令人聯想到既《古惑仔》系列），實質係惡搞香港既特首選舉制度，如果話黑社會入面講選舉係暗串，咁呢部戲就係明玩，當中有幾場甚至係直接讀出基本法。

由惡搞既話題可以睇到，呢部戲既目標觀眾係八十後，佢地未必真係有睇過《古惑仔》系列，但多數會睇過《無間道》和《黑社會》，更重要既係，大部份八十後，都係反對現有既特首選舉方法，一定會Buy明玩特首選舉方法呢一招。

講番個故仔，有人話呢部戲比古惑仔系列更能夠講古惑仔心聲，就係當年佢地入會，都係多是為了一時意氣或為勢所迫，大多事後也希望能夠轉回正行，不想留在這身不由己的地方，正好這便是本片片名的意思。

老實講，對於今時今日既年青人來講，入黑社會食煙飲酒已經一Ｄ都唔型，最型既係個一班搞社會運動既朋友同埋有獨立思維既人。新一代對政治有興趣，有認識，有參與，呢部戲既編劇知道後生仔要咩，可憐政府重未知，我地知道原地踏步比向後行來得好，亦都唔希望一世人都盲目期望有人會造一條合心水的裙給我們。